最近喺黃埔發現咗間超抵食嘅打邊爐店——【新鮮圍煮】🍲！
佢哋嘅套餐真係非常抵食，選擇又多，CP值高到爆燈！最重要係所有打邊爐食材都係新鮮到爆，食落鮮味十足，每一啖都係享受！😋
特別要大讚佢哋個火鍋湯底！🤩 用新鮮三黃雞同份量十足嘅花膠熬製，湯頭濃郁到不得了，滿滿骨膠原，飲咗幾碗都唔夠喉！先飲啖湯暖暖胃，再開始打邊爐真係一流！👍
套餐仲有新鮮海鮮刺身，象拔蚌真係好鮮甜🦐🦑 自家製手打四寶丸，包括鮮蝦丸、鮮墨丸、芝士鮮牛丸同貢丸，粒粒都彈牙有咬口！仲有本地肥牛，肉質鮮嫩，口感順滑，淥幾秒就食得！🥩
連配料都好有特色，響鈴都係新鮮自家製，索晒湯汁超正！炸西班牙黑毛豬午餐肉，香口惹味，同平時食開嘅好唔同！飲品都好有誠意，香水檸檬茶超大杯，解渴又夠味！🍋
整體嚟講，呢度嘅食材新鮮、湯底濃郁、選擇豐富，絕對係黃埔打邊爐嘅新選擇！
