馬師傅菜館 (Closed)

星期六日約左屋企人飲茶, 因為唔想早起, 所以黎飲下午茶!發現呢到既點心11點至4點都係同價錢, 仲全日唔洗加一, 正呀!我地叫左幾款點心, 再加左個套餐~套餐有飯有麵, 會送一個燉湯, 都幾抵, 當日燉湯係木瓜燉雪耳, 個湯好濃郁, 好有膠質, 味道唔錯, 好飲又足料!!個蝦仁帶子粉河都幾大碟, 真係好多蝦, 同埋幾爽口, 配埋滑蛋所以口感好滑流, 加埋辣椒油仲正!蝦餃燒賣都係2粒咁叫, 岩晒2個人黎食~蝦餃大大粒, 蝦肉又爽, 個皮好彈牙, 好食!另外推介馬拉糕, 佢既黑糖味好出, 同平時食果d馬拉糕有d唔同, 多左一份香味, 而且超鬆軟, 好好食呀!!!!