Emporio Antico (Closed)

最近工作好忙碌，忙到都冇乜時間食好西，好開心今日朋友帶咗去一間類似西餐嘅私房菜，有好多嘢食阿，特別係有即刨嘅黑松露，等我介紹下啦。7道菜套餐$938Foie Gras今日試下食呢個七道菜嘅套餐，首先有 鵝 肝，好大件啊，上面竟然放咗奇異果，下邊係有山楂醬，所以感覺上都唔會太膩。 鵝肝好creamy ，加埋牛油果同山楂簡直一流。Queen Crab一個菜式就有啲似中西合璧啦，上面有松葉蟹嘅蟹肉同帝王蟹的蟹腳，再加埋一塊春捲皮，感覺上好似墨西哥脆片小食，蟹肉都好鮮甜。Carabinero carpaccio曾經喺某間餐廳食過龍蝦片，當時，嘩，難食到令到我對呢個龍蝦片有深深嘅負面印象，但今次食完，我就覺得原來龍蝦片係好好食嫁。非常新鮮而且鮮甜，搭配咗佢獨有嘅醬汁令到成件刺身提昇左不少嫁。onsen see with seasonal  fresh truffle 即刨嘅新鮮黑松露，大概係餐嘅主角嚟，新鮮黑松露來自塔斯曼尼亞，一拎出嚟，已經有好濃郁嘅黑松露香，邊刨邊見到我哋非常開心，份量好多好多，比蘑菇嘅分量仲多咁，真係好滿足啊。最後仲有個tiramisu蛋糕，咖啡味超濃，醒曬神啦。