一喜燒 (Closed)

同老公慶祝週年紀念，今次試下串燒店！呢間一喜燒地點方便， 口碑又幾好， 一於試下佢！入到去， 餐廳裝修行港式風味，霓虹燈寫住“無肉不歡”😝 感覺好親切🤭我地叫左好多野， 就講下幾樣特別推介先～👍生燒活鮑魚 $38鮑魚大大隻， 賣相吸引， 肉質爽口彈牙， 鮮甜肥美！😎蒜香山燒活元貝 $38每隻元貝都鋪滿蒜蓉， 燒得蒜味香濃味，十分惹味😋推介！必試豬頸肉串 $16🐷呢個我推介食原味（唔好加辣），咁先食得出豬頸肉本身既燒烤炭味。 重點係醃料塗滿成塊肉，好味到真係食唔停口。咁餐食得非常滿足，老公話下次都會經常黎食😝