濠客蒸氣海鮮 (Closed)

元朗鳯攸南街一帶好多食肆，為食之人好多在此揾到好嘢食，今日四個老友打完衞生麻雀，就落去呢間濠客蒸汽火鍋打邊爐，其間特色係有店員專人為我地方安排放海鮮食材入蒸氣煱，較定時間制，蒸好就食，剛剛好！一行四人點咗個套餐每位$288，冇收加一服務費，仲包一罐汽水，食材包括有龍蝦，海蝦，元貝，帶子，鮑魚，北寄貝，奄仔蟹，青口等等，仲有D時令蔬菜，南瓜粥底，蒸完海鮮，D汁流哂入粥底果度，增加鮮甜味！D海鮮食材好新鮮，味道鮮甜，而且份量唔細，奄仔蟹，澳洲龍蝦，鮑魚，元貝等食材都係貴價嘢，但俾足料我地，仲送多一碟脆卜卜可口嘅炸魚皮，好正！食完哂D海鮮，就食鍋底果D南瓜粥，因為蒸海鮮時滴咗海鮮汁入去，所以果D南瓜粥十分好味又鮮甜，不能錯過！以價錢同食材比較，呢餐感覺十分超值！