醉辣鮮 (新田購物城) (Moved) New Location

有時係市區食得多，都想去啲遠離市囂既地方。朋友介紹有間蒸海鮮又新鮮，環境仲好大，無咁焗促，唔使同隔離檯咁近距離。一入到去就有一個大魚缸，入面全部都係活生生既海鮮，仲見到啲客人自己係缸裡面任揀。而價錢方面就豐歛由人啦~有$198、$268、$328餐，每個餐都會有湯、元貝、花甲同蟶子，所以其他分別就係鮑魚、龍蝦、蟹同生蠔。而最值得讚既係蔬菜係任食的，相比係出面得果幾棵，呢道係可以滿足到又鐘意食海鮮又鐘意食菜既姐妹們!另外一提就係逢星期六會有live brand 真係估都估唔到，除左室內仲有半露天雅座，適合一大班朋友暢酒談天說地。不過雖然有3小時免費泊車，但飲左酒都係唔好揸車了!最後提提大家，如果想個粥底結啲的話，就要控制好每一次計時蒸野既次數，因為佢哋用既呢款爐係每set一次timer 就加一次水，所以如果您蒸既次數越多，佢粥既水量都會隨之而增加的。