仁記

約咗山友搭船去索罟灣行山賞石，搭10:20中環開出嘅船，落船經過仁記，見到茶果賣相吸引，每個八蚊，抵喎買個試吓。有甜有咸四款味道任君選擇。甜嘅有紅豆蓉、南瓜紅豆蓉；咸嘅有眉豆蓉和雞屎藤。我哋試咗頭三款味道。大概係即日新鮮出爐，摸落手食入口感覺係暖嘅。
紅豆蓉：個皮嫩滑軟熟，餡紅豆味濃，甜度適中，不甜不淡。
南瓜紅豆蓉：軟糯；清甜，新鮮即造；足料；不黏牙，Q 彈。不過南瓜味被紅豆蓋過。
眉豆蓉：餡料足，有𡁻口。讚👍🏻
第一次幫襯。買時冇睇網上食評。原來佢哋嘅豆腐花同埋紅豆砵仔糕都多人讚賞。可能要下次再嚟索罟灣行山，一早買嚟試吓😋

1

茶果

$8