立鮨

Open Now

Now Closed

假日大埔郊遊後，就到左#立鮨 開餐，食下日本菜。餐廳地方唔算大，我地坐於吧台位置，可以見住師傅做壽司🍣，都唔錯啊。牛油果🥑軟殼蟹沙律，軟殼蟹炸到超脆, 牛油果新鮮好味, 大量的沙律🥗菜墊底，唔錯啊👍。迷你魚籽海膽杯，魚籽裝到滿滿的，粒粒漲嘟嘟，入口脆卜卜，上面鋪了入口即溶的海膽, 將海膽加埋魚籽一啖食，好滿足。特上北海道魚生飯，新鮮食材有入口柔軟的三文魚，爽口的甜蝦同帆立貝，甘甜美味的海膽，大量爽口的魚籽，配合調味恰當的有味壽司醋飯，啖啖滋味。白鱔串，皮燒得脆口，魚肉質煙銀美味。鰻魚櫻花蝦玉子燒，厚身玉子燒配咸香的鰻魚櫻花蝦，味道好配搭。熊本天草生蠔🦪，雖然唔大隻，但老友話鮮甜好吃。人氣蝦三味壽司，蝦肉肥美，入口柔潤，口感軟熟鮮甜美味。白子軍艦，入口綿密柔滑，口感是有乳狀的感覺，白子含有蛋白質同維他命B，而且味道都唔錯添。