百花漁莊 (Closed)

今日去咗QRE Plaza新開嘅百花漁莊試試，呢度嘅食物真係唔錯👍🏻服務亦都好友善，令人感覺好舒服，絕對值得一試！首先，湯底係我點咗金腿蟲草花花膠雞鍋。湯底好濃郁，有蟲草花同花膠嘅味道，味道更加豐富。雞肉都好滑嫩，飯返幾啖都覺得好補身😆花膠非常軟滑，十分之正😍至於食材方面，我揀咗百花小魚兒、鮮帶子、沙白蜆、珊瑚蚌、特級螺片同埋膝椒牛舌等等。所有食材都好新鮮，特別係海鮮，味道非常鮮美。海鮮會有時間教你要煮幾多秒，好貼心👍🏻膝椒牛舌都好滑嫩，有微微辣味，非常入味。除咗肉類，田園蔬菜籃有青菜、豆腐等等，蔬菜都好新鮮，食得出係新鮮嘅蔬菜。手打四寶丸彈牙有嚼勁，味道好好。手切嫩牛肉同頂級牛板腱都好鮮嫩，入口即化，肉質非常好。飲品方面，我哋試咗Chill Cup巨星-鮮橙果茶同埋熱情果蘆薈梳打。兩款都好清新，鮮橙果茶有淡淡嘅橙味，熱情果蘆薈梳打有微微嘅酸味，非常開胃。最後，甜品送左紅糖果仁冰粉，味道甜中帶清，非常開啱食完個火鍋清一清新吓👍🏻👍🏻