神虎麺商店

Open Now

Now Closed

是日與老友聚下，因為知佢中意食日本拉麵，特意揀左呢間，入坐時落單，見到依間都幾特別，一般的店麵質都有得選軟硬度，但e間冇，結果真係有驚喜。入門口時店員好有禮貌，拉麵師父會主動以親切笑容歡迎，好有係日本食野的感覺😍神虎精選，乜都有就岩哂我🤭精選神虎正式登場🤣一般拉麵店真心冇咁足料，$118真心抵食，你唔好以為你已經睇到哂有乜餸，其實係拉麵同湯之間仲有一大塊叉燒隔住左，再配搭香濃的豬骨湯底，湯底香濃，肉質既軟又嫩👍🏻👍🏻e塊極叉燒入口有點溶化，一碗面食到幾種唔同感覺，的確好野老友點左碗黑虎，佢大讚湯底夠濃之外，佢特別喜愛果2粒手打肉丸，肉味夠鮮再配上個湯，食到佢笑笑口。另外再叫左2個小食，炸雞塊，即叫即做冇馬虎，炸到外脆內軟，岩岩好我個人覺得其實可以唔洗點沙拉醬都好好味～最後不得不提的是神虎餃子👑 果然係神❗煎到底脆外軟，最緊要係餡料多，肉夠鮮，同平時食的好唔同，真心對推介。我都食過唔少日本拉麵，e間都拍得住日本風味，我就覺得算係幾高質👍🏻值得一試。