鍋心八鮮蒸鍋 (Closed)

媽媽出街食飯除左要揀好食，最緊要價錢合理又抵食，所以今年母親節飯揀左去鍋心八鮮蒸鍋，唔駛三百蚊就可以食到海鮮大餐。🤤/一坐低就有得飲碗足料靚湯，等食海鮮。/好快就到主菜，佢既海鮮全部都好新鮮，會放係你面前蒸熟，全程有侍應幫手計時同蒸，剩係需要食，岩哂懶人。金銀蒜龍蝦🌟泰式醬泰好味白蜆🌟豉汁蟶子🌟泰式醬刀貝🌟古法豆醬多寶魚🌟果皮蒸鮑魚🌟金銀蒜開邊蝦🌟清蒸肉蟹🌟/食哂海鮮已經好飽，之後上埋佢既八寶蒸飯，望到佢既份量都知一定食唔哂要打包走。但係好飽既情況下諗住趁熱試少少，食左一啖發現好正，啲飯吸哂配料既肉汁同鮮味，揀左蒿筍同翠肉瓜好爽口，加埋幾有口感，最後忍唔住食哂成碗。/當食完個飯，侍應仲上埋足料既雪耳雪梨糖水。咁多野食呢餐飯真係好抵。👍😂