菠蘿汁🍍🍹
呢杯菠蘿汁真係得喎！一入口係好清新既天然甜味，冇果種假假既糖水感。冰涼涼咁好解渴，仲飲到細細粒果肉，口感加分！夏日飲一流，會再encore～💕
艾菲蘋果果盤🍎
切開做果盤真係幾正！返到屋企食蘋果無氧化變黑，勁啊😮蘋果肉爽脆清甜，唔會酸澀澀，咬落「索索聲」，顏色靚哂，食落又解膩。飯後食一流，健康又清新！
牛油果🥑
真係要識揀！老闆娘揀得好！熟到啱啱好既牛油果，口感好似軟滑嘅牛油咁，帶住淡淡堅果香。直接加少少醬油拌飯已經超正，或者搽多士、做沙律又得！營養豐富，係健康又好味既選擇😍
台灣文旦柚🍐
真係好好食！果肉爽脆多汁，甜得嚟帶少少酸，好清新，細細粒容易剝，食完個口好舒服，唔會澀。中秋節食佢就最正，解膩一流！
和歌山芝麻柿🍅
真係驚喜！橙紅色果肉超靚，咬落爽脆清甜，完全無澀味。最正係裡面真係有啲似芝麻嘅小點點，口感特別。凍食更加正，飯後食一件超滿足！
