坂奈 (Closed)

我剛剛發現了一間在銅鑼灣新開的燒魚店，地方細細，但裝修好有別飾。鍾意食海鮮的我一定不會放過啦。餐廳只有十幾個位。我一坐底了，廚師已把現時最新鮮魚一盆給我選擇及介紹。我選了竹籤魚配御膳，因為佢個名特別，加上第一次見。蘿白漬配帶子及魚子～～蘿白爽脆，帶子嫩滑，魚子鮮甜，配了鹽麴，令帶子味道去到另一層次感。味噌湯～～有蜆，蘿白片，海帶，味道濃醇。炆牛肉薯仔紅蘿蔔～～牛肉又香又淋，可以一絲絲的食到肉纖維。薯仔及紅蘿蔔吸收了牛肉精華，連唔鍾意食紅蘿白，都覺得好食。主角竹籤魚出場～～廚師把魚叉在鐵籤上，形態是"S"形，放在電燒爐上一排排的燒，燒完時上枱像游來游去的魚，非常生動。電爐有18000火，所以火力非常之大，魚只要10至20分鐘左右就燒好。燒之前廚師在魚的尾及翅加上一些鹽。食時魚肉鮮嫩，魚皮香口，尾及翅都好甘香。怕鯹的可以加少少青擰汁，酸酸的仲開胃。在魚旁的薑條是經過醃漬的，服務員同我講食白色部份，好好食的，我試了一下酸酸甜甜的似食酸蕎頭，唔講仲以為是裝飾。御飯～～是可以添加的，我一邊食魚一邊食飯已食完一碗飯，我再追加多一碗飯來食飯素。最後好滿足的離開，廚師同我講佢地是第一間做日式燒魚店鋪，