魚屋

Open Now

Now Closed

同朋友去一田買野，近排大減價都有唔少平野，係時候要去掃貨大出血！不過買野之前，就要食野先！一入到去就聞到好大陣既燒魚香味，就同朋友叫左店長推薦既馬友同珍珠班定食。原本以為係切開既魚，點知會成條咁大咁上，而魚亦燒得幾乾身，好脆！馬友就比較香，而且有Ｄ鹽燒過表面，個皮好香口。珍珠班就多Ｄ肉，同埋比較滑！仲有個海鮮味噌湯，有魚肉海帶及蘿蔔，而前菜亦有醬蘿蔔，咸咸地咁。明太子飯就要加$10，份量都算多既，不過真係幾好食，好好送飯！