Video
Read full review
2018-08-14
113 views
上星期在朋友介紹下黎左呢間餐廳食火鍋。 環境都幾寬敞 檯與檯之間唔會靠得太近 所以都唔會覺得好嘈 我地5個人仲坐左張8人檯 坐得好舒服 幾岩同朋友黎慢慢坐下傾下計。齊人之前由於實在太餓 我地就叫左個椒鹽雞脆骨過下口癮先。雞軟骨炸得好乾身好脆好惹味 而且份量都幾多 一粒接一粒食唔停口。開左個胃 然而仲未齊人。。。於是叫多個黃金炸魚皮！即煮既黃金炸魚皮同平時包裝既魚皮比又係另一種風味 剛剛出爐熱辣辣 仲有咸蛋既油包住魚皮 但魚皮依然好脆 送酒一流！終於黎到重頭戲 火焰卜卜蜆蟹鍋！ 店員係原鍋海鮮送上鍋 然後加酒點火係你面前煮 呢個時候緊係開定相機先～ 呢個真係值得一試 足料海鮮加埋雞湯煮一陣 個湯真係勁鮮甜 每人起碼飲左兩碗 隻蟹都啖啖肉 蜆係細粒啲但份量多～ 食完海鮮飲夠湯就可以開始打邊爐喇！胡爐豚肉拼盆 分別有秘製蝴蝶腩 豬頸肉 西班牙黑毛豬豚肉。 黑毛豬豚肉薄切 肉質彈牙 加埋個湯底啲肉好juicy。 唯一不足係份量太少喇 唔太夠喉！黑松露蟹肉餃 好香黑松露味！中西合併既fusion野 唔會奇怪 仲覺得幾夾～ 餃皮好薄 小心易爛 我地都係用個勺裝住黎煮 佢有分一份/半份 就算少人食
齊人之前由於實在太餓 我地就叫左個椒鹽雞脆骨過下口癮先。雞軟骨炸得好乾身好脆好惹味 而且份量都幾多 一粒接一粒食唔停口。
開左個胃 然而仲未齊人。。。於是叫多個黃金炸魚皮！即煮既黃金炸魚皮同平時包裝既魚皮比又係另一種風味 剛剛出爐熱辣辣 仲有咸蛋既油包住魚皮 但魚皮依然好脆 送酒一流！
終於黎到重頭戲 火焰卜卜蜆蟹鍋！ 店員係原鍋海鮮送上鍋 然後加酒點火係你面前煮 呢個時候緊係開定相機先～ 呢個真係值得一試 足料海鮮加埋雞湯煮一陣 個湯真係勁鮮甜 每人起碼飲左兩碗 隻蟹都啖啖肉 蜆係細粒啲但份量多～ 食完海鮮飲夠湯就可以開始打邊爐喇！
胡爐豚肉拼盆 分別有秘製蝴蝶腩 豬頸肉 西班牙黑毛豬豚肉。 黑毛豬豚肉薄切 肉質彈牙 加埋個湯底啲肉好juicy。 唯一不足係份量太少喇 唔太夠喉！
黑松露蟹肉餃 好香黑松露味！中西合併既fusion野 唔會奇怪 仲覺得幾夾～ 餃皮好薄 小心易爛 我地都係用個勺裝住黎煮 佢有分一份/半份 就算少人食都可以食多幾樣啦
員工周不時都會主動走黎加湯 服務幾周到～
Post
