去到既時間，已經滿街邊位及舖位都是人
真係好旺場喎~~ 幸好我自己一個人，所以唔駛等都攝到位，真好彩~~
睇一睇餐牌...唔掂喇...好多野都想食呀 但得一個人....終於考慮左一陣後就有以下既決定﹕
海鮮煲仔粥﹕$ 25，一心黎試煲仔粥架嘛，又點可以唔叫粥食呀﹖ 叫海鮮粥係因為....貪心囉~kakaka 想試下有幾多海鮮及各款既海鮮掂唔掂丫嘛~ 等左大約...8-10分鐘，我order既粥黎喇~ 真係好熱辣辣呀!! 個煲度既粥仲係度起緊泡泡架...即表示仲係好熱啦~ 應熱既就要像這般的熱才像樣的嘛~~ 再check下d料...唔少個喎~ 有蝦、魚塊、蟹、魷....真係有唔少海鮮噃~ 呢個咁既價，食到有咁多海鮮既粥，仲想苛求d咩呀﹖﹖ 仲有呀，佢既粥底都唔弱架，d米真係煲到開哂花，食得出唔係溝米漿既貨色~
羗蔥魚腩煲﹕$ 3x，原本想叫魚腩粥，但因為貪心叫左 海鮮粥，但又真係好想食魚腩，所以就叫左呢個煲仔喇~ 一上檯，已經聞到好香既氣味，d羗蔥爆至非常香~~ 一煲都有幾多魚腩喎....大大件，差不多有8件架﹗﹗ 真係好抵食呀!! d魚腩好新鮮，真係魚腩位，件件都唔細，真係好好味~ 好味到我連d羗都唔放過呀!!
其實仲想食炒通菜架，不過....怕嚇親人啦
kakakaka~~ 我見到d炒粉麵都好吸引....下次都係要叫多幾個人黎食先得~
