小漁港海鮮舫 鮮蒸‧鮮味火鍋

Open Now

Now Closed

天氣咁凍，最啱就係食海鮮蒸鍋暖下身，依間就算係平日都好快滿座，建議一定要先訂位。餐牌上有幾款套餐選擇，我哋揀咗是日精選套餐，海鮮多達九款，款款都係時令最新鮮。象拔蚌刺身拼盤象拔蚌刺身口感紮實，咬落爽脆有嚼勁，拼盤仲有三文魚、北寄貝、帆立貝等，款式多，而且都好新鮮。蒸海鮮食完刺身就開始蒸海鮮食，根據所需嘅時間會分開一批批，先來開邊龍蝦，店員會將濃味嘅龍蝦頭放入粥底火鍋一齊煮，而龍蝦尾就放喺上面用蒜蓉蒸，龍蝦肉爽甜又彈牙。之後有元貝、鲍魚、海蝦、海魚，海魚係馬友，肉質嫩滑，唔算多骨。再來係貝殼三寶，大蜆、沙白、生蠔各有特色，粒粒都開口又唔會有沙好乾淨。最後係農家四寶同蟲草花蒸雞烏冬，四寶分別係南瓜、粟米、絲瓜、芋頭，蟲草花蒸雞經過反複蒸兩次，時間剛好又滑又juicy。烏冬好入味，掛雞汁。粥底一開始蒸海鮮之前就已經放咗飯排骨同瑤柱粒落去，經過幾轉蒸海鮮流落去嘅汁，最後嘅粥底吸收晒所有海鮮嘅精華，而且煲得綿密幼細，十分滋味。好大碗，兩個人吃唔晒，要外賣。