本人對紅磡區唔太熟,打去訂枱時好在問清楚地址,唔係都幾難搵
.
一入到去就見到好大個魚缸養住好多海鮮,隻隻都好精靈,好想快D食左佢落肚.由於D君未到,我地就研究下餐牌睇下有咩好食先,望落去種類都幾多,有刺身,壽司,海鮮,炭燒同SABU SABU,但其實未黎我已經有心水想食咩了
.
D君終於到(遲成半個鐘
),係肚餓既情況下唔等佢慢慢睇,我地就開始叫野食了
磯煮南非鮑.
中式鮑魚我食得多,但日式鮑魚我都係第一次食(坊間實在太貴了).出黎賣相飽滿,食落去磯煮汁唔會蓋過鮑魚味,店長話鮑魚係用活南非鮑用汁煮佢五個鐘再雪凍佢令佢更彈牙同入味,好吃!!
日本油甘魚刺身,北海道原隻海膽,赤貝刺身
原本我對油甘魚無咩好感(食過好腥),但A君話係日本食過真正油甘魚係唔腥同魚油充足,咁就試左一客.食過原來真正日本油甘係好爽口同好重魚味又唔腥,飛機貨果然係唔同D.海膽同赤貝都好鮮甜,同板X個D真係差好遠
佐口魚邊壽司,和牛壽司,池魚壽司
佐口魚燒過後入口即溶,魚油彭拜,感覺好豐富
和牛雖然唔係用A5,油脂無咁多,但個牛肉汁惹味,牛味都重,唔錯
池魚壽司份量足,賣相討好,睇得出師夫刀功唔錯
水晶蟹
店裏有鱈場蟹,面包蟹同水晶蟹,鱈場蟹食過幾次,面包蟹又太普通,所以揀左未聽過既水晶蟹.等左廿十分鐘終於上枱,師夫好細心咁將D蟹殼拆走晒容易D食,擺盤有心思,食落去我覺得仲鮮甜過毛蟹,個膏原本用黎煲粥,但實在太香喇,我地忍唔住全部食晒
立魚湯雜菜鍋
最後點左個鍋收尾,立魚湯配上D蔬菜份外鮮甜,店長話個湯可以用黎打邊爐,但我地實在太飽啦,飲個湯都夠晒
總括黎講朋友無介紹錯,價錢公道,值得再試.而海鮮同刺身都夠鮮甜,賣相討好,招呼以小店黎講算殷勤,而且對海鮮既知識都好豐富,一問之下原來佢地做本身做海鮮批發,唔怪之得啦
如果張枱更加大D,環境再舒服D就,同間唔中做下優惠就更加好啦
