千海水產海鮮
火鍋放題真係海鮮
火鍋迷嘅天堂!呢間位於淘大商場3期2樓嘅餐廳最大賣點係自助撈海鮮區,海鮮係活生生擺放係魚池入面,任你無限量即撈即煮。佢哋嘅補貨速度非常之快,保持海鮮新鮮又生猛,無論係大蝦、花蟹、鮑魚定係多款貝類都應有盡有,唔怕拎唔到你鍾意嗰款。而且店員好勤力,會不斷撈走啲唔新鮮嘅海鮮,保障食客安心食用。
除此之外,千海水產仲有多款湯底可以揀,包括滋補嘅金湯花膠雞鍋、椰子雞湯、秘製麻辣鍋、蕃茄豬骨鍋等等,湯底味道濃郁又足料,海鮮落湯更添鮮味。自助區仲有豐富多樣嘅
火鍋配料,包括各種丸類、豆腐菇菌同蔬菜,選擇真係多到眼花撩亂。就連
甜品、雪糕同飲品都係任食任飲,仲有貴價haagen daz同movenpick,真係食到超滿足。
價錢方面,晚市兩小時大約$298起,性價比絕對高得令人難忘。特別適合一班朋友或者家庭嚟聚餐,既可以享受到多元化嘅新鮮海鮮,又可以食到盡,真係好抵食又好玩。
2
1
The above review is the personal opinion of a user which does not represent OpenRice's point of view.