醉金渦 (Closed)

*此餐廳收取加一服務費。4位用火鍋海鮮餐（單點$2280），海鮮拼盤，4款海鮮包括有特大元貝、蟶子皇、鮮蠔、肉蟹，每款海鮮都肉質肥美，味道鮮甜；特大元貝、蟶子皇煮完之後都無縮水，好大隻；鮮蠔雖然有少少縮水，但好飽滿，我一夾起，D汁咇到張枱都有埋；肉蟹真係特別鮮甜，蟹肉一梳梳，食得好滿足。雙拼湯底（跟餐$0），味醂野菌鍋好足料，包括有香菇、秀珍菇、金針菇、杏鮑菇、鮑魚菇，湯底酒香味濃，味道帶甜；御膳麻辣鍋內有大量辣椒、花椒、大蔥，湯底味道麻辣6.5分，不油膩。海立魚刺身（跟餐$0），大約有36塊刺身，即叫即起，好新鮮，肉質爽脆，油脂分布平均，配以芥末、柚子刺身醬油食用，味道更佳。頂級安格斯牛小排（跟餐$0），肉質嫩滑，牛味濃厚。極品四色手工丸子（跟餐$0），金箔鮮蝦丸，表面鋪有金箔，內有頗多蝦粒，口感類似蝦滑；黑松露花枝丸子，內有花枝粒，黑松露味濃重；櫻花蝦豚肉丸子食落好香口；川味麻辣牛肉丸子味道麻辣3分。自家現炸響鈴（跟餐$0），口感酥脆，食落好鬆化。黑栢葉（跟餐$0），肉質爽口、薄身。花雕白肺（跟餐$0），口感滑溜，酒味清香，味道獨特。炸枝竹（跟餐$0），口感腍身。竹笙（跟餐$0），