蠔灣 (水星街)

Open Now

Now Closed

因為好小食蠔唔太認識蠔既種類，所以就叫店員推介左幾款容易入口唔太重味既蠔試下。D蠔開好後Presentation 已經好吸睛，仲會著燈效果，影相打卡特別靚。店員介紹左蠔既次序由淡味道致味濃。今次分別唔叫左Speciales de Claire，Josephine，Masses，Tarbouriech Oyster(Picky) ，Gillardeau。我就最鍾意Picky 同Gillardeau佢既海水味比較重肉質較厚較肥味。呢到既每隻蠔都好夠凍完全無醒味。入口好順滑同肉厚有鮮甜味，十分新鮮。可以慢慢食同朋友吹水。 我地仲叫左北海道帶子車厘蜆同北海道活赤貝，好新鮮好鮮甜，赤貝肉厚外咬落仲好爽脆。清酒蒜蓉煮活蜆湯，D蜆肉肉厚而且好鮮甜粒粒都好飽滿，個湯底好甜蜆肉精華都係個湯底入面。龍蝦忌廉意粉，龍蝦肉新鮮爽彈，咬落口一疏疏，意粉配上濃濃忌廉，食落幾Creamy同濃味，意粉爽口剛剛好。