茶星人 (Closed)

雖然黑糖珍珠奶茶度度都有得飲，但依家天氣咁熱，又唔想飲啲太濃味嘅嘢，最好飲啲清爽又解渴就最好，經過見到茶星人，忍唔住要買杯嘢飲。好，睇吓有咩好飲先。水果大爆炸，一路睇住店員沖茶，全部都係用新鮮水果，裏面有蘋果、橙、青檸、火龍果等等嘅水果，飲落去清新解渴，甜酸適中，暫時係我飲過最好味嘅水果茶。芝芝芒芒，上面係厚厚芝士奶蓋，下面係芒果沙冰，飲落超爽勁涼快，啜啜下仲會飲到一絲絲芒果肉，芒果肉係甜㗎，正！