上水貨舖 (Closed)

今日收工諗住去大圍買嘢食,行過見到間舖頭寫住香港人用香港製造🇨🇳當然要支持吓啦😊入到去見到menu都幾多嘢食,有Kebab 🌯,沙律🥗同埋水果茶🍹 店員介紹佢哋廚房用嘅菜全部都係由科學園種植嘅魚菜共生有機沙律菜, 大熱天時最啱食返個沙律架啦🥵我叫咗個白灼本地鮮蝦沙律🍤($72)加日本烚蛋🥚($6), 套餐加配嘢飲仲有八折優惠添, 店員介紹佢哋嘅火龍果同埋菠蘿係用新鮮生果整嘅, 最尾叫咗杯熱情果鮮菠蘿粒粒水仙🍍估唔到杯嘢又幾夾喎，唔會太甜。沙律配料同埋蝦都好新鮮，加埋香芒醬酸酸甜甜好開胃🤤下次經過一定會再幫襯😍