十和田 (Closed)

好耐未去過mikiki，行過又好想食壽司就揀咗呢間餐廳。餐廳空間好大，可能因為我哋太早所以冇乜人。餐廳係用qr code落單，好方便。我地兩個人叫左三樣野食，上菜好快。佢所有既飯都係鼓油底但唔會太咸。第一樣係平成卷。總共有六件，壽司入邊同埋上面都有吞拿魚蓉，上面有啲三文魚籽同海膽。淡淡地但咬爆咗三文魚子之後就吊起左味！第二樣北海道帆立貝松葉蟹丼。呢個丼份量好大，蟹肉又好多。帆立貝有三粒，粒粒都好厚又鮮甜。第三樣係超特選壽司拼盤配湯蛋。總共有12件。每件上面既料都好足。蝦壽司好新鮮，蟹肉壽司比較淡味，呑拿魚卷同平成卷類似，咬落去d呑拿魚蓉爆哂出黎！重點推介海膽: 少少甜無苦味！中拖都幾肥美。呢個set仲有個蛋同湯，蛋都好滑。湯係傳統味噌湯。總體都抵食，份量大，而且舒適。推介。