純寿司 (Moved) New Location

今晚一行兩人，七點去到等左成個鐘先有位。但之前食過，性價比好高，刺身新鮮，決定再挑戰！第一碟：火炙三文魚白腩，魚腩肥美充滿住魚油香，壽司飯唔會太多醋又唔會一夾就散，岩岩好！ 軟殼蟹龍之卷（6件），每粒都好精細唔會左甩右甩，頂頂既蟹籽好新鮮配合埋面層既鰻魚（入口即溶，唔會有腥味，好香鰻魚味）加埋裡面大大件岩岩炸好熱辣辣既軟殼蟹，一啖咬落去，多重口味，但又唔會唔夾，正！推介火炙三文魚刺身望落去好似好奇怪，但其實叫左都係魚子、三文魚刺身分開食，但咁叫會抵d 魚子一睇都知唔新鮮，一patpat，唔會一咬落去爆汁，麻麻地。三文魚又燒得唔夠，唔可以叫做火炙！天使蝦擺碟唔錯，有埋鹽同檸檬，但我就選擇咩都唔加，食蝦本身既味為主，食落新鮮既，口感有d似泰式生蝦。美中不足係蝦頭炸得唔夠，冇得食埋。 整體黎講刺身新鮮，壽司一份份上，唔會幾碟放埋一齊，仲有各自既伴碟，睇得出師傅非常用心！但建議用app拎定飛。