城景閣

Open Now

Now Closed

由於好好朋友早幾日唔喺香港，所以我們約咗今晚一齊同爹哋慶祝生日！我們約咗去油麻地城景國際嘅「城景閣」食自助晚餐！雖然呢度嘅款式種類選擇唔算太多，但全部都非常新鮮同處理得相當乾淨衛生！生蠔真係超級新鮮，味道極之鮮甜，而且好肥美肉厚！長腳蟹腳嘅肉質相當結實彈牙，味道好鮮甜，而且唔會好鹹！刺身壽司都好新鮮，但壽司飯就比較腍身咗啲！越式鮮蝦粉卷係用煙韌嘅粉卷包著爽甜嘅蝦肉同生菜，再配上泰式生蝦嘅醬汁一齊食，真係超惹味呀！每位人客都會奉送一份葡汁焗釀響螺，將螺肉同其他材料切成粒，撈埋一齊焗，葡汁嘅味道好香濃，而且唔會有好膩嘅感覺！甜品：窩夫焗得相當鬆脆，質感好香滑鬆軟！另外！最令我們驚喜嘅係有抹茶鷄蛋仔，質感好煙韌軟熟，抹茶嘅味道亦好濃郁！另有多款Movenpick雪糕！另外！值得一讚嘅係每一位提供食物嘅店員嘅服務態度都好親切有善，都算人客攞幾多次，他們都係笑容滿面，唔會令人客覺得有壓力嘅感覺！