活一鮮 (Closed)

黎左北角搵💛店，search到呢間好多人讚的就黎試試，12點開門我地12點半左右到已經差唔多滿座了！（因限聚令2人一枱所以令到本身間店都唔多位既情況下就更易滿座），亦有好多人叫外賣！見到4位壽司師傅同2位年青樓面都好忙！Lunch set 有凍/熱既定食，我地分別叫左32號既三文魚油甘魚蟹羔飯($86)同39號既12件鮮壽司2款定食黎之前都附送以下：朋友食的32號定食，分左一片魚生同油甘魚比我食，2個都好滿意🤗特別係油甘魚夠厚夠鮮又甜。蟹羔都幾濃味！唔似平時係一田買個d罐頭蟹羔咁咸。39號登登鄧凳：其實155蚊算抵食啦，又有海膽又有吞拿魚腩。重點係食得出新鮮先，每一件都好食！正！