南小館 (Closed)

成日都九龍、新界兩邊走,好耐未去過港島, 尤其係太古嗰邊。 今晚難得有机會過去，可惜時間比較晏，又要食得快，但都要好好咁食一餐！ 兩個人食嘅唔多但係勝在見到佢有一個四小碟，喜歡多樣化既我梗係被吸引啦！四小碟有成十款食物比你揀，我就揀咗咗秋葵木耳（有益健康）、花雕白雞（最愛菜式，冇叫錯）、糖醋排骨（好sweet又林）、四喜烤麩 (平時食飯少有)，清、香、甜、喊、酒味咩都有齊，其實佢有成六至八樣都係我鍾意食嘅 ，今晚就食住呢几款先。跟住就加啲飽肚嘅上海蝦肉雲吞湯 ，大白菜肉絲炒年糕，之後見佢啲嘢食咁靚仔（有質素），就再加咗個飯後甜品~椰汁江南八寶飯。 甜品？飯？係，真係飯，係糯米飯！就好似泰國芒果糯米飯咁，椰汁底，加埋其他東南亞材料，非常好味，係一個好值得食嘅甜品，仲係飽肚添😛