Lee House Restaurant

大半年無黎，又有新野試啦。今次因為人唔多，所以都係試新野為主。

估唔到玩埋D功夫野，柚皮要整得夠味真係唔易。入口唔止夠淋，仲夠入味，聽聞用好多料“炆“左好耐。
配埋個菰，一邊入口即溶，一邊夠彈耳，正！

柚皮

另一個花雕荷葉花甲，聞起好香荷葉味，入口則出花雕香，而且隻隻夠大隻夠厚肉，唔錯。

花甲

另一個藕餅就差唔多次次都食，夾埋生菜唔會太膩。

藕餅

另外仲食左個黑松露肉餅，同蕃茄娃娃菜。前者無得彈，後者就平常D。不過掛住食，無影相。XD
除左主菜，佢地甜品都好正。無論新派、傳統都值我一試。