譽 鐵板燒

Open Now

Now Closed

元朗國新開左間鐵板燒，仲要近我😍係朗屏站行一陣就到。我地揀左性價比高既「櫻」一人前套餐，已經有齊8道美食，師傅燒之前細心比我影低食材，望落好新鮮好靚仔。日本粟米配生火腿露筍粟米甜，火腿甘香，好開胃。白甘鯛配明太子醬厚厚既魚肉用半煎炸方式整，見到師傅即場倒新鮮油👍🏻魚肉清淡，配較濃郁既醬汁好對味。北海道帆立貝帆立貝本身已經好鮮甜，再加上入味嘅三文魚子、松葉蟹肉同蟹膏，超級好食。鵝肝慢火煎到外脆內軟，黑醋醬汁同埋燒過嘅水蜜桃中和左油膩感。封門柳牛味濃郁又唔羶，配鹽昆布同芥茉醬又係另一種美味。麵豉湯夠晒熱炒飯材料豐富，洋蔥、煙肉、蛋炒得好香。自家製雪糕抹茶味香濃，開心果雪糕有驚喜，真係有粒粒開心果而且味道好濃郁。