豊勝手丼 (Moved) New Location

呢間餐廳係我嘅food list入面已經好耐， 最近去開銅鑼灣終於有機會入去試下。一道餐廳就係一陣撲鼻而嚟嘅魚味， 非常有日本魚生市場嘅感覺。 餐廳環境唔算大，但係都坐得幾舒服。飲品方面我叫咗呢支蘋果梳打， 由日本進口， 味道都相當唔錯。呢度嘅魚生丼款式相當之繁多，令人揀唔落手。 問咗店員之後， 佢就建議我揀呢款由廚師發辦嘅魚生丼，魚生種類豐富之餘亦較新鮮。丼飯上面鋪滿咗唔同嘅魚生， 有赤貝、三文魚、拖羅、海膽等等，種類相當多，而且每款都非常新鮮。除左魚生飯外，個set仲包埋沙律、糖心蛋同湯，味道亦相當唔錯。