蟹仙海鮮蒸氣鍋 (Closed)

今晚同朋友相聚、試試蟹仙海鮮蒸氣鍋、店面已經有隻巨蟹招牌、十分吸引、雖然店鋪座位不多、但環境尚算舒服、店員會自行介紹各式蒸氣鍋套餐比我地選擇、好窩心！今次試海鮮蒸氣石鍋九款及十款、當中膏蟹十分鮮甜、蟹膏味道香濃、令人回味、鮑魚同海蝦都十分彈牙！另外我印象最深刻數到瀨尿蝦、一來店家已經好細心為我地拆殼、方便品嚐、我無加任何調味、蝦味仍然好甜美、好嫰口、十分好味道！加上全程店員幫忙處理氣鍋、為人客蒸海鮮、服務好全面！店員服務態度簡直令人滿意、套餐價錢又唔貴、海鮮好新鮮、超價、可以再次光臨！