Read full review
2019-10-15
82 views
平時去開太子經過好少留意嘅酒吧街居然有好野食，今晚就跟左位為食朋友來晚餐，真係開心大發現。潛藏於酒吧街嘅Channel 3，原來係酒吧餐廳，睇波飲酒食nuts外，仲有正宗西班牙菜呀。酒吧門外放置左人咁高的餐牌好顯眼遠遠都望見，行到望一望見到有我最鍾意食嘅豬手即時心心眼開心死。餐廳內環境比較陰暗，看餐牌揀菜非常考眼力。場內盡頭有大螢幕，播放著西班牙歌幾有氣氛，唔算播得大聲，歌曲好似首首差唔多，聽得耐對耳不自覺filter左，專注返食物和傾計。埋位未點菜已自動送來粟米脆片，要收費的但味道唔鹹好脆幾好味仲無限添加，食完一塊又一塊，感覺良好可以食住揀餐。餐牌清晰食物款式甚多，仲有三款標示為推介菜，燒豬手都係名單內，太好了，今次我地主菜揀一款，主攻小菜揀多幾款，樣樣食啲感覺開心啲。芝士雜菜煙肉焗釀大菇 $78芝士煙肉已係無敵配搭，煙肉吊一吊鹹香芝士味出，加上厚厚的大啡菇，菇肉軟棉棉富口感鎖定肉汁，配埋爽口清新的沙律菜，簡單菜式無令人失望，為今晚西斑牙美食之夜打響頭炮。慢煮芝士菠菜雞肉卷 $88外層係嫩滑嘅雞肉捲住芝士菠菜，雞肉好軟身保留左肉汁，食落啖啖肉芝士唔多唔太膩，無雞皮食得健康又美味，值得
酒吧門外放置左人咁高的餐牌好顯眼遠遠都望見，行到望一望見到有我最鍾意食嘅豬手即時心心眼開心死。
餐廳內環境比較陰暗，看餐牌揀菜非常考眼力。場內盡頭有大螢幕，播放著西班牙歌幾有氣氛，唔算播得大聲，歌曲好似首首差唔多，聽得耐對耳不自覺filter左，專注返食物和傾計。
埋位未點菜已自動送來粟米脆片，要收費的但味道唔鹹好脆幾好味仲無限添加，食完一塊又一塊，感覺良好可以食住揀餐。
粟米脆片
$40
7 views
0 likes
0 comments
餐牌清晰食物款式甚多，仲有三款標示為推介菜，燒豬手都係名單內，太好了，今次我地主菜揀一款，主攻小菜揀多幾款，樣樣食啲感覺開心啲。
芝士雜菜煙肉焗釀大菇 $78
芝士煙肉已係無敵配搭，煙肉吊一吊鹹香芝士味出，加上厚厚的大啡菇，菇肉軟棉棉富口感鎖定肉汁，配埋爽口清新的沙律菜，簡單菜式無令人失望，為今晚西斑牙美食之夜打響頭炮。
芝士雜菜煙肉焗釀大菇
$78
21 views
1 likes
0 comments
慢煮芝士菠菜雞肉卷 $88
外層係嫩滑嘅雞肉捲住芝士菠菜，雞肉好軟身保留左肉汁，食落啖啖肉芝士唔多唔太膩，無雞皮食得健康又美味，值得一食。
慢煮芝士菠菜雞肉卷
$88
17 views
0 likes
0 comments
白酒忌廉煮青口 $88
青口肉質軟身特別有口感，個忌廉汁好掂，好creamy有酒香味道豐富，基本上撈咩食都咁好味，紅椒黃椒沙律菜我地統統都食晒，洋蔥嫌太少落多點會更有口感，實在太好味好想舔晒成碟汁。
白酒忌廉煮青口
$88
17 views
0 likes
0 comments
德國蜜汁燒豬手 $208
隻豬手好大份比一隻手掌還要大，望到已被佢SIZE 震懾幾驚食唔晒。豬手係原隻上大大隻就咁用刀叉切，好驚失手飛出枱，最後我穩陣派用手揸實切兔得俾人笑。
燒豬手外皮乾身好脆，口感鬆化，無咩肥膏唔係好肥膩，肉質比想像中軟有肉汁好入味，基本上碟旁的黑椒汁和洋蔥汁都唔需要沾，味道唔咸比德國咸豬手好味好多，可以食多點好有滿足感，今次真係無揀錯。
德國蜜汁燒豬手
$208
6 views
0 likes
0 comments
Barcelona(士多啤梨味) $78 和 Charm Around(芒果味) $78
同樣都不含酒精果味飲品似沙冰，色澤鮮艷好吸晴，凍冰冰飲落幾清新！
Barcelona(士多啤梨味) 和 Charm Around(芒果味)
$78
11 views
0 likes
0 comments
臨走前見門口擺放左個獎盃，好奇一問先知，該店駐場調酒師來頭不少，剛在今年九月第十一屆香港調酒師大賽中奪得冠軍，Cocktail質素有保證，下次再來食一定試下佢地D Cocktail推介。
職員一輪咀話埋我地知，佢地今年已係第四屆西班牙國慶酒會為西班牙領事館嘅官方指定餐廳，所以係受認可正宗都無人有的西班牙菜，朋友仔今次真係無介紹錯。GOTCHA~ 太子我又多一個好地方食野。
Post
