九重鮮 (Closed)

網上見到呢間韓國餐廳推出韓式九層塔海鮮蒸鍋，仲有個抵食套餐「蒸海鮮塔 x 任食自助吧」，即刻要黎朝聖！任食自助吧有多款韓國小食提供，包括新鮮即炸的韓式辣醬、黑松露芝士同蜜糖芥辣口味炸雞，以及醬油蝦、醬油鮑魚、雪梨汁水冷麵、泡菜，仲有國民街頭小食辣湯韓式魚糕、豆卜、鳴門卷和韓式炒年糕等。估唔到仲有甜品、水果、沙律吧，甜品款式頗有特色，包括椰子洋羹、炸香蕉布丁、朱古力慕絲、藍莓芝士蛋糕等，好欣賞佢全部細細杯，試哂都唔會好飽，當中椰子洋羹值得推介，啖啖清甜椰青水味，消滯一流。加12蚊仲有得任飮自家製凍飲例如竹蔗茅根和薏米水，另有多款韓國啤酒、汽水，連甚具人氣的真露泡泡桃味氣酒和芒果啤酒都有！濟州島10重海鮮塔選用多款矜貴食材：龍蝦、鮑魚、海蝦、花尾龍躉指天翅、象拔蚌、大花蛤、沙白及日本元貝，全部生猛新鮮，非常高質。套餐還附送蔬菜拼盤、黑椒鹽肥牛、泡菜煎餅。蒸煮時每層的鮮甜肉汁精華流到下層，令鮮味逐層增加，無需調味亦能充分品嚐食材最佳味道。個人特別喜愛大大隻的龍蝦、鮑魚和花蛤，啖啖肉，鮮味十足，爽滑彈牙！龍躉亦美味得很，肉質非常嫩滑，魚油豐滿，好正！