金九記海鮮火鍋酒家

Open Now

Now Closed

一行7人專登入西貢食海鮮，揀左白沙灣馬頭附近既金九記，旺角搭紅van 7個字到，算方便。之前訂左枱唔使等。點左7個餸：豉油皇吊桶：吊桶彈牙新鮮，豉汁鮮甜美味，good! 但碟頭不大，7個人1件起2件止。蒜蓉粉絲蒸扇貝：扇貝超大粒，好驚喜，新鮮鮮甜彈牙，唯一美中不足豉油太少，只在碟底，要拆扇貝出來再點先夠味。清蒸飽魚：中 size，新鮮，唔會蒸得又老又韌，不錯，但無咩驚喜。芝士龍蝦伊面：$288果種，已超多龍蝦，龍蝦彈口新鮮，芝士超香濃，連唔鍾意食龍蝦既老公都話唔錯。伊面墊底比較淋，但如果真係focus on 龍蝦佢真係掂!豉椒炒蜆：味道ok，但無驚喜。奄仔蟹：多膏，鮮味，肉爽，一人半隻好回味！另外再叫左個腐乳通菜，汽水，白飯咁，好飽。埋單175X，每人$250，呢個質數食左咁多海鮮算好抵。真心推介食海鮮唔使入到市中心食貴野！