連埋茶位兩個人，七樣嘢，都係$187，超級抵！
帶子腸粉王～由於本身非常鍾意食腸粉，見到呢一個item真係心心眼，佢真材實料，大大粒帶子喺裏面，而且即拉嘅腸粉非常幼滑！
叉燒腸粉~見佢整得咁好食，立即encore個平民啲嘅叉燒腸粉，同樣非常足料！
雞扎~個人喜好要將佢拆開，再續樣食，每一樣食材都食得出係非常新鮮！
鮮竹卷～上湯較為清淡，冇搶去鮮竹卷嘅香味！
帶子菜苗餃～個皮搓得好靚，一啲都唔黏紙，而且尺寸都幾大，好抵食！
王牌雪山包～個包係實淨型，絕對食得飽！而且皮薄餡多，雪山個甜味唔會過甜，恰到好處！
惹味蓮藕餅～坊間嘅蓮藕餅，多數都係切碎蓮藕再搓成肉餅，呢度係用特別嘅方法去製作及烹調，口感亦都與眾不同，值得推介！
