食包 (Closed)

太子漢堡包店，新鮮即叫即製漢堡，可以外賣亦有少量座位。姜糖必到打卡位。我地點左WB手打牛王漢堡 及WB手打豬柳漢堡，加雞翼、薯條、飲品。漢堡包非常厚身，好足料。入面餡料豐富，有豬柳或漢堡扒、番茄、煎流心蛋、芝士、生菜及醬汁。流心蛋咬落去爆汁，好juicy！無論牛肉漢堡或豬柳都調味得好好，個人較鍾意牛肉漢堡，好有口感。雞翼辣辣地好惹味。薯條加左調味粉，唔會太寡。整體來說，雖然店面細細，未必有足夠空間堂食，但用心製作漢堡包，外賣都要支持一下！