先上個燉湯，清甜暖胃，足料湯品！
刺身好新鮮，不過大家要小心，佢嘅wasabi超級攻鼻，冇錯！係超級嗰隻！我同事先咳左一次，以為佢唔小心攻到，之後到我，係攻到標眼淚嗰隻，然後隔離枱陸續有人中招😂
紅豆卷，幾好食，但唔多覺紅豆，本人喜歡大量紅豆的，如果好似銅鑼燒內嘅紅豆餡就正啦！不過只不過係前菜，唔緊要，海鮮先係正題。
食海鮮前有雞煲，分量啱啱好，太多嘅話就冇空間海鮮邊爐了。
like 佢FB有象拔蚌刺身，都幾鮮味。
好啦，終於到打邊爐啦！
龍蝦、鮑魚都好新鮮！
生蠔大大粒，好肥美！
喜歡食魚的，唔好錯過斑片，好滑同好鮮味！
整體來講，所以我哋叫咗嘅食村都好新鮮高質！
驚喜位係泥鯭，本身已經唔係好多地方食到，打邊爐有已經好特別，更特別嘅係⋯⋯睇相！
點解要用個蓋蓋位上菜，係因為即使已經劏左，佢地都係扎扎跳，店員千叮萬囑我哋唔好自己落，仲好細心咁話等水滾左佢黎落！
佢黎到，先叫我地坐開啲避下，三條魚一落鍋，勁扎扎跳，好彩職員眼明手快，蓋得實！真係跳得出鍋嘅新鮮！
成餐飯，服務都好好，仲周不時幫我哋換骨碟，有一種去緊飲宴嘅感受！
