Video
Read full review
2022-06-10
110 views
約咗朋友喺荃灣食晚飯，突然間好想食點心，上Openrice見有間叫「鋿晶館」有即製點心嘅餐廳就去左試。飲茶梗係要嗌蝦餃燒賣啦！蝦餃同燒賣有兩粒同四粒揀，幾好！我同朋友二人，一人一粒，可以留番個肚試其他野食👍🏻💖月半彎晶瑩鮮蝦餃脹鼓鼓，薄薄的皮包着蝦同爽脆翠玉瓜，是真正的皮薄餡靚。💖黑松露北菇燒賣皇大大粒，有齊黑松露、北菇和蝦，絕不欺場。食完蝦餃燒賣望望張點心紙，太多選擇唔知揀咩食。問吓店員有咩好推介，佢推介我地試「齒頰留香脆蘿蔔腸」同「濟寧蒜香蝦春卷」。店員話呢度嘅師傅曾經喺米芝蓮酒店同大型連鎖酒樓做主管，所以d點心質素都有番咁上下，叫我放心嗌野食。💖齒頰留香脆蘿蔔腸蔥花灑在腸粉皮上。腸粉皮薄得黎唔易爛，包住脆卜卜金黃色米網，最中間係甜甜蘿蔔絲。多層口感，口感豐富。💖濟寧蒜香蝦春卷打斜切，咁樣嘅切法好少見，有創意而且賣相不錯👍🏻。外層炸粉好薄但炸得脆卜卜唔會燶又唔會過油，夠乾身，食完唔覺得熱氣。貼埋喼汁酸酸地開胃又解膩😋，食多幾件都唔覺得罪疚。一件春卷入面重有兩粒蝦😍，真係好足料！💖黑椒醬皇金錢肚黑椒醬幾辣，個人幾鍾意。原來除左金錢肚，下面重有清甜白蘿蔔。💖嗌左盎鳳爪排骨金鳳飯。食鳳爪
飲茶梗係要嗌蝦餃燒賣啦！蝦餃同燒賣有兩粒同四粒揀，幾好！我同朋友二人，一人一粒，可以留番個肚試其他野食👍🏻
💖月半彎晶瑩鮮蝦餃脹鼓鼓，薄薄的皮包着蝦同爽脆翠玉瓜，是真正的皮薄餡靚。
💖黑松露北菇燒賣皇大大粒，有齊黑松露、北菇和蝦，絕不欺場。
食完蝦餃燒賣望望張點心紙，太多選擇唔知揀咩食。問吓店員有咩好推介，佢推介我地試「齒頰留香脆蘿蔔腸」同「濟寧蒜香蝦春卷」。店員話呢度嘅師傅曾經喺米芝蓮酒店同大型連鎖酒樓做主管，所以d點心質素都有番咁上下，叫我放心嗌野食。
💖齒頰留香脆蘿蔔腸
蔥花灑在腸粉皮上。腸粉皮薄得黎唔易爛，包住脆卜卜金黃色米網，最中間係甜甜蘿蔔絲。多層口感，口感豐富。
💖濟寧蒜香蝦春卷打斜切，咁樣嘅切法好少見，有創意而且賣相不錯👍🏻。外層炸粉好薄但炸得脆卜卜唔會燶又唔會過油，夠乾身，食完唔覺得熱氣。貼埋喼汁酸酸地開胃又解膩😋，食多幾件都唔覺得罪疚。一件春卷入面重有兩粒蝦😍，真係好足料！
💖黑椒醬皇金錢肚
黑椒醬幾辣，個人幾鍾意。原來除左金錢肚，下面重有清甜白蘿蔔。
💖嗌左盎鳳爪排骨金鳳飯。
食鳳爪排骨飯最怕d排骨唔夠熟，好彩呢度嘅排骨夠熟，份量又足，重有兩隻鳳爪，同朋友一人一隻唔使掙！
全日都有點心食，隨時想食就食！茶錢每位$6咋，重要全日免收加一，咁抵喺邊度搵！
Post
