板神鉄板燒日本料理 (信和廣場)

Open Now

Now Closed

好開心今晚再次黎到板神鉄板燒日本料理，香港首間最大型鐵板燒料理氣派非凡，環境寬敞舒適，座落銅鑼灣信和廣場，有「米芝蓮星級商場」之稱，裝潢極具心思設計，地方新簇又潔淨。板神分五大區域，有鐵板燒區、壽司吧、炭火燒區、Sake Bar 及Wine Room ，今晚一早BOOK左炭火燒區食廚師發板串燒。餐廳選用備長炭烤製串燒，耐燒無煙且火況穩定，燒出黎既食物更能鎖住肉汁。師傅特別介紹今次選用新鮮三黃雞，雞味比一般雞更為濃郁，肉質更結實鮮甜。炭燒雞皮去肥後再炭燒，燒至爽口脆身，金黃香脆賣相吸引，食落好似薯片咁脆，仲一啲都唔油膩，勁惹味。香茅免治雞肉串以香茅代替竹籤同燒，食落有淡淡香茅嘅清新香氣。免治雞肉串嫩滑有咬口，蘸上鮮雞蛋+醬油混合而成嘅醬汁，口感更香滑更鮮甜。大蔥雞肉蔥香濃濃好清甜，雞肉軟嫩，肉汁充盈。雞翼雞皮燒得好脆身，帶點焦香，咬開內裡雞肉依然滑嫩多汁。味噌雞胸串雞胸肉入口相當柔軟彈牙，完全不乾柴，啖啖肉好滋味。燒雞大腿肉雞肉燒至皮香焦脆，滑嫩同時帶點鹹香。燒雞腎爽爽脆脆，口感一流，配埋蒜片同食，味道香濃。A5和牛串油花細緻，肉質軟嫩鬆化，入口即溶。