蟹仙海鮮蒸氣鍋 (Closed)

蒸氣鍋係香港話多唔多，話少又唔算少。其實係小妹心目中間間都差唔多，所以點樣去評價好唔好食，就好取勝於「食材」今日我地食既係海鮮石頭蒸氣鍋，所以最緊要係海鮮一定要新鮮 但認真，呢間蟹仙絕對食得過，因為除左新鮮，最重要係大件又抵食，馬上俾相俾大家睇，因為我好好奇點解佢地d海鮮咁大件，但又可以做到咁平，就抱住十萬個為什麼，膽粗粗食食下就問老闆娘原來佢地本身係海鮮供應商，每日都有海鮮由菲律賓，越南空運到港，所以可以留到最靚最新鮮既貨因此想做到平靚正，當然無難度...海鮮非常新鮮，蒸熟左d肉係實既好鮮甜後來同老闆娘傾傾下，老闆娘好客氣請我地食一隻佢地公司新食法既凍懶尿蝦，想我地俾下意見 真心，連懶尿蝦都好大隻 佢話唔係日日有，都要睇下個日有無貨，所以係有限食品重點係唔貴仲請埋我地食飯後甜品，椰汁燕窩西米露真係有燕窩，仲要唔係少所以呢間我真心一定會再encore 以上開飯食評，只係本小姐食後感