近來巴西肉風波，板長都將佢哋嗰滑蛋豬排丼定食下架。
我哋四位，攞咗飛等咗大概15分鐘先有位。其實lunch hour 要等15分鐘都幾耐下。。。所以我哋前面有啲等四位既都走咗。
2
Anyways, 坐低之後我叫咗個海膽櫻花丼定食@$118(另外再加一)。個定食除咗個飯，仲有包味噌湯，沙律，蒸蛋，同埋小菜。都好豐富！個飯上台嗰時，真係有點驚喜！ 板長喔，本身以為應該普普通通冇特別。真係估佢唔到，啲魚生多到城座山咁，對筷子插入去啲魚生飯度嗰時，魚生多到“企"唔穩，差啲跌落黎！睇下副相，海膽份量都唔小架！魚生都幾新鮮，唔錯、唔錯！
友人話，應該係啱啱新開張，所以質素先好啲，可能半年後碗飯應該冇咁大碗！
唔知呢？希望佢哋可以保持水準啦！
