Video
Read full review
2023-05-07
84 views
咁耐冇去日本，除咗掛住shopping，總會有啲餐廳令你心掛掛。相信唔少人都有食過利久牛舌，炭燒加厚切，個種味道同口感都會著迷。近排發現原來土瓜灣開咗一間牛舌專門店，忠誠為咗牛舌關注組既熱話，咁恨去日本🇯🇵，掛住咁耐，一於去試吓佢，睇吓佢可唔可以止癮。餐廳就喺天光道斜路，裝修都幾簡潔，有日本風。店員就話上手係壽司店，啱啱接手冇耐，遲下慢慢加多啲菜式，不過都係用牛舌為主。➤極上牛舌 1.5倍因為多人share，揀咗1.5倍，大概有8至9塊厚牛舌，兩個人share我覺得都OK，大食仔建議可以加多個小食。店員介紹，極上牛舌係用牛舌芯，會係最嫩同爽口，牛味濃。餐廳會配Wasabi同豉油，不過我覺得輕輕加少少鹽係最好食。➤熟成牛舌價錢冇咁貴，當然就係用上當用牛舌，職員就話牛舌經熟成，冇咗牛嗰陣內臟味。雖然真係冇咁嫩，但一樣都係咁爽口。➤泡菜芝士玉子燒另外仲嗌咗個玉子燒，泡菜包住軟綿綿嘅蛋。淨係蛋捲都好好送飯。➤鰻魚定食 因為想試多啲嘢，另外嗌咗個鰻魚定食，鰻魚份量唔少，都算厚身。➤紅酒汁煮牛舌 呢個有驚喜！味道好濃，帶少少蕃茄甜味，牛舌相對淋身。味道啱啱好。另外所有定食會有一個湯 蒸蛋 沙律，蒸
近排發現原來土瓜灣開咗一間牛舌專門店，忠誠為咗牛舌關注組既熱話，咁恨去日本🇯🇵，掛住咁耐，一於去試吓佢，睇吓佢可唔可以止癮。
餐廳就喺天光道斜路，裝修都幾簡潔，有日本風。店員就話上手係壽司店，啱啱接手冇耐，遲下慢慢加多啲菜式，不過都係用牛舌為主。
➤極上牛舌 1.5倍
因為多人share，揀咗1.5倍，大概有8至9塊厚牛舌，兩個人share我覺得都OK，大食仔建議可以加多個小食。
店員介紹，極上牛舌係用牛舌芯，會係最嫩同爽口，牛味濃。餐廳會配Wasabi同豉油，不過我覺得輕輕加少少鹽係最好食。
➤熟成牛舌
價錢冇咁貴，當然就係用上當用牛舌，職員就話牛舌經熟成，冇咗牛嗰陣內臟味。
雖然真係冇咁嫩，但一樣都係咁爽口。
➤泡菜芝士玉子燒
另外仲嗌咗個玉子燒，泡菜包住軟綿綿嘅蛋。淨係蛋捲都好好送飯。
➤鰻魚定食
因為想試多啲嘢，另外嗌咗個鰻魚定食，鰻魚份量唔少，都算厚身。
➤紅酒汁煮牛舌
呢個有驚喜！味道好濃，帶少少蕃茄甜味，牛舌相對淋身。味道啱啱好。
另外所有定食會有一個湯 蒸蛋 沙律，蒸蛋都滑，如果可以加多啲材料就更加好。
職員態度好好，仲周不時會同你傾偈。佢話如果唔鍾意食飯嘅話，可以轉烏冬或者沙律，減醣嘅朋友可以試吓！
價錢拎利久比較，咁又真係有啲唔公平，點都係飛去日本食開心啲。
另外仲嗌咗兩杯啤酒，同朋友傾吓偈chill下，我感覺其實都好正。
雖然貴少少，但喺香港近少少，隨時可以食到炭火牛舌，其實都幾唔錯。
Post
