Video
Read full review
2017-08-22
656 views
我同老公搵食搵到去荃灣，因為我要去民豐買水餃，再去楊屋道買肥牛。順路搵食搵到呢間Catee餐廳，初時我以為係以貓為主題，餐廳內會唔會有貓貓呢？原來係以魚為主打食材嘅餐廳。點解？因為貓鍾意食魚囉！餐廳環境好舒適，裝修好有格調，用餐環境偏暗，頗適合情侶約會，呵呵。當日我同老公都好有「食力」，先叫左幾個頭盤：左邊：煙三文魚蟹肉波波（$98）一道精緻嘅冷盤，煙三文魚包住蟹肉，口感豐富。右邊：Catee炸三文魚蛋（$68）第二味頭盤都係魚！用三文魚肉炸成魚蛋，好創新，經理推介用鋪底嘅火箭菜包住炸三文魚蛋食，比淨食更清新。意猶未盡，再叫多個頭盤。右邊：雙影帶子配黑魚子（$108）所謂雙影帶子原來分別係煎帶子及烚帶子然後低溫凍煮。個人鍾意煎帶子，簡單帶出表面金黃，內裏半生狀態嘅口感。我地叫左兩個晚餐，跟餐有餐湯（番茄濃湯）、沙律（鷹嘴豆沙律）、餐包，飲品及甜品。威靈頓三文魚扒（伴刁草忌廉汁）（$268）呢個大推！！！首先，以前只係聽過威靈頓牛扒但未食過，呢道威靈頓三文魚扒係以鵝肝及Parma ham包住三文魚焗而成，外面酥皮酥脆，內裡有幾種層次，三文魚肉質嫩滑，好有驚喜。烤西班牙黑毛豬扒伴芥末籽醬及
順路搵食搵到呢間Catee餐廳，初時我以為係以貓為主題，餐廳內會唔會有貓貓呢？
原來係以魚為主打食材嘅餐廳。點解？因為貓鍾意食魚囉！
餐廳環境好舒適，裝修好有格調，用餐環境偏暗，頗適合情侶約會，呵呵。
當日我同老公都好有「食力」，先叫左幾個頭盤：
左邊：
煙三文魚蟹肉波波（$98）
一道精緻嘅冷盤，煙三文魚包住蟹肉，口感豐富。
右邊：
Catee炸三文魚蛋（$68）
第二味頭盤都係魚！用三文魚肉炸成魚蛋，好創新，經理推介用鋪底嘅火箭菜包住炸三文魚蛋食，比淨食更清新。
意猶未盡，再叫多個頭盤。
右邊：
雙影帶子配黑魚子（$108）
所謂雙影帶子原來分別係煎帶子及烚帶子然後低溫凍煮。個人鍾意煎帶子，簡單帶出表面金黃，內裏半生狀態嘅口感。
我地叫左兩個晚餐，跟餐有餐湯（番茄濃湯）、沙律（鷹嘴豆沙律）、餐包，飲品及甜品。
威靈頓三文魚扒（伴刁草忌廉汁）（$268）
呢個大推！！！首先，以前只係聽過威靈頓牛扒但未食過，呢道威靈頓三文魚扒係以鵝肝及Parma ham包住三文魚焗而成，外面酥皮酥脆，內裡有幾種層次，三文魚肉質嫩滑，好有驚喜。
烤西班牙黑毛豬扒伴芥末籽醬及燒汁（$198）
豬扒煎得好香脆，亦冇煎得過熟；薯蓉夠香滑，伴碟有好多蔬菜，例如番茄仔同秋葵，點埋燒汁更好。
甜品係German cheese cake，我鍾意佢有少許lemon taste ... 芝士味唔濃，冇咁漏。
最後揀飲乜諗左好耐，因為呢度有好多飲品選擇呀！老公飲Shirley Temple，我飲士多啤梨奶昔（各跟餐加$15），我杯奶昔味道好濃郁，正！
至於老公杯mocktail，有檸檬汁、紅糖水及七喜，甜甜地酸酸地又有汽，佢好鍾意呢！
Post
