喜惶點心專門店 (Renamed) View

星期六放工好想嘆一盎兩件點心，但又唔想去傳統酒樓，於是四周圍睇下最近邊度有點心食，行到女人街附近發現一間新開點心專門店，於是就決定入去試試。店鋪空間感十足，分開上下2層，裝修舒服潔淨。餐牌選擇多，而且主打新鮮牛肉製造既點心。粟米牛肉餅外層微微脆口，內裏牛肉鮮嫩，味道香甜，好好食呀！😋原隻鮮蝦腸腸粉米香軟滑，皮薄透餡，鮮蝦爽口鮮甜，正👍🏻晶瑩鮮蝦餃皇皮軟爽滑，鮮蝦餡料鮮味十足。蟹子燒賣皇豬肉蝦肉比例恰到好處，入口鮮嫩多汁，而且每粉都份量十足。柱侯金錢肚醬汁濃味，金錢肚入口爽嫩，口感出色，非常惹味。炸菜牛肉飯牛肉鮮嫩juicy , 入口香甜鮮美，淋上少少甜豉油撈飯，非常美味😋當然唔少得食返個甜品杞子桂花糕入口清甜，面層爽口清新，底層椰香味濃郁，質地軟嫩。點心有水準而且服務態度良好有禮，值得欣賞。