巧麵館 (Closed)

尖沙咀開咗間麵食館, 裝修走港式路線, 幾有feel, 環境乾淨企理, 即刻去咗試新嘢!《香滑牛筋拼花菇撈粗麵》牛筋膠質豐腴入口即化, 再用柱侯腩汁撈粗麵一流! 牛筋炆至軟腍又入味, 逼出膠質又不失Q彈; 花菇飽滿厚實, 好爽滑, 配上爽口又冇鹼水味嘅粗麵, 飽肚又好味😋! 《黃沙豬膶》👍🏻超級推介試呢個! 豬膶大件又厚身, 粉香鮮爽, 灼至僅僅熟, 做得恰到好處! 口感如細沙一般, 既粉又嫩, 肝身柔軟, 再配上薑蔥絲, 相當滋味! 《爽口牛筋丸拼魚蛋》牛筋丸粒粒都夠彈牙, 有濃濃嘅肉香味, 有肉汁; 魚蛋口感爽口彈牙。