鉄人大盛 (Closed)

星期六晚要去尖沙咀睇戲，早啲出去食飯，見到呢間鉄人大盛個招牌好似係新開，又5:30開始有得食，就落去地庫睇睇！一睇係勁大間又有刺身食，就試下佢！入到去真係超大間！已經有食客開始緊！好期待！首先，店員會提示第一輪既刺身唔洗點，會有預設好既雜錦刺身，每款4件到，每人2件！非常好👍🏼可以試曬咁多款再決定追加邊款！刺身夠新鮮，推介甜蝦、赤貝、帶子，好鮮甜！即叫即燒燒好喇！泰式雞扒，岩岩好燒熟、香脆雞皮配上酸辣泰式汁，正！燒羊架，只叫了一隻因為女朋友唔食羊！可惜，咁好食既野竟然唔食！仲點左汁燒鰻魚，極厚身！好有驚喜，個汁都好好食！最緊要係熱辣辣燒起！燒青魚，牛油燒帶子鵝肝多士，鵝肝既油香完完全全地滲左入去個多士到，冇得彈！蔥花肥牛卷薄切肥牛生熟度剛好，配上奄香了的蔥花，絕配！最最最最推介的，是牛舌，好厚切，牛味好濃又爽口！追加左3次！蔬菜類推介杏鮑菇飲品方面都好多選擇，仲有ice beer 添！雪糕係hagendaz!唔記得左影相！食到好飽咁去睇戲，滿足！