泰極美味館

在一個平常日子裡包場食咗一餐好有誠意嘅泰菜，由於可能新開嘅關係，食咗成餐飯都係得我倆
老闆係正宗半個泰國人，請嘅係正宗泰國廚師，我哋食嘅係正宗嘅泰菜!
雖然食嘅係幾個好簡單嘅餸，但食得出師傅嘅用心❤!

炸蝦餅--食得出係手打嘅!

黃咖哩雞配飯，由於我倆唔食飯，老闆好好人幫我哋轉咗做多士，但其實送飯真係一流!

飛天通菜--睇落真係好普通，但個味道真係好味過荃灣其他泰菜餐廳!

酸辣鳳爪--酸辣度配合得剛剛好
希望可繼續保持水準，店員仲推介我哋下次嚟食泰式燒海鮮拼盤。。。 期待下次再見!