佐賀燒肉谷 (創紀之城五期(apm))

Open Now

Now Closed

呢間燒肉放題之前試過， 但今次觀塘新開都去試下， 新張優惠，每人有一隻蝦送返，上次食過level1， 今次點個level 2試下。 海鮮部份任點的包左帶子魷魚， 肉類選擇都多， 有勁大條既牛柳， 蔬菜方面有蘆筍，仲要係新鮮唔多渣。甜點有個燒朱古力香蕉，燒完食落口感有啲特別。 出面自取既野食，燒肉汁加飯加紫菜，好惹味！ 仲有一啲炸物如春卷， 沙律選項算較多， 有日式或西式的醬。而甜品部分既tiramisu 大福都幾好食，仲有其他蛋糕仔，雪糕有2種口味可以揀。 但不得不提佢環境坐得舒服，唔迫，卡位都有啲自成一角咁，想私隱度高啲，好似仲有房，另外服務都算唔錯，可能閒日， 佢唔會話即刻趕你走，同埋待應們都好nice 。