🔸三寶椰皇
椰皇係招牌，一定要試吓啦我哋揀咗三寶，入面有芝麻湯圓、芋圓、小丸子，啱啱燉出嚟熱辣辣出晒煙！椰皇燉蛋白好滑好香，芋圓都唔錯，煙煙韌韌。椰皇仲有好多配搭例如係女士最愛嘅桃膠，下次又可以試吓其他款啦。
🔸粟米濃湯拉絲麻糬窩夫
窩夫有好多款式，鹹嘅甜嘅都有，見到呢個新出粟米濃湯拉絲麻糬窩夫咁特別，二話不說揀咗呢個😂窩夫可以揀加淺配麻糬，呢個窩夫入面都有粟米粒粒，超得意！粟米濃湯配搭窩夫鹹鹹地，直程可以做正餐，不過佢旁邊仲有雪糕，再加埋蜜糖一齊食又得！
🔸開心果味擂沙芝麻湯丸
呢個都係第一次見開心果味嘅雷沙湯丸湯，面頭鋪滿開心果碎碎，好有口感😋開心果控可以試吓☺️
🔸波波拼盤、椒鹽鹽酥甜不辣條
甜品店都有小食，波波拼盤有炸花枝丸、魚蛋、燒賣、薯條，點一點泰式辣醬，可口惹味。
